برنامج للباي سيبس

كل لاعب كمال اجسام بيبقى ليه برنامج للباي سيبس لتشكيل لعضلة كما يحب
واحنا دلوقتي هنكتب ونوزع تمارين الباي سيبس وازاي نقدر نشكل عضلة باي متناسقة وقوية
اولا:تمارين الراس الخارجي وهي لاستطالة العضلة
وهي بتنقسم الي الكبل والبار والدمبلز
ومن المعروف ان تمارين البار بتكون للضخامة والكتلة العضية وتمارين الكيبل دائما الاهتمام بيها بيبقى اثناء فترة التنشيف وطبعا هي مهمة جدا لاي مبتداء لبناء العضلة وتمارين الدمبلز بتبقى لتشكيل العضلة
واهم شئ في تمارين الاستطالة اللعب الصحيح وفرد الذراع الي اخره اثناء النزول وثبات الظهر.

هنكتب بعض التمارين اللي بتكون لاستطالة العضلة واللي بتعتبر تمارين اساسية:
1:مرجحة بالبار (بار زجزاج او مستقيم)بس يفضل للمبتدئين اللعب بالبار الزجزاج
2:بار مستقيم في وضعية الجلوس(وده بيكون للمتقدمين في اللعبة))
3:دمبلز من وضع الجلوس او الوقوف
4:دمبلز من كرسي زاوية 45
5:دمبلز من على الركبة في وضع الجلوس
6:جهاز كيبل
7:شاكوش بالدمبلز
8:شاكوش بالحبل من جهاز الكيبل
طبعا في تمرينة الباي سيبس مش بنلعب كل التمارين دي بس لازم يكون في تنويع في التمرين عشان العضلة متملش من التمرين
يعني مثلا بناخد 3 حركات استطالة وحركتين تكوير وحركة شاكوش عشان نشكل العضلة كلها

ثانيا:الراس الداخلي
وزي ما قولنا الراس الداخلي بتكون تمارين تكوير العضلة وليها عدة تمارين:
وبردوا تمارين البار بتبقى للضخامة والدمبلز للتشكيل وبيبقى اسلوب لعبها مختلف
لان النزول بيبقى للنص بس ثم الصعود الي اخر العضلة والضغط عليها
ودي بعض تمارين التكوير:
1:بار من على السكوت
3:دمبلز من على السكوت
3:جهاز سكوت (الحصان
4:سكوت من على جهاز الكيبل بوضعية الجلوس على الارض ووضع الكوع على الركبة ونقوم بسحب الكيبل الي اعلى الراس
5:فردي من اعلى جهاز الكيبل

زي ما قولنا ان الباي سيبس تسمى عضلة المظهر الجمالي يعني اللعب فيها لازم يكون بتأني وبشكل صحيح والوزن مش مهم الاهم الحركة الصح لضمان عضلة شكلها مميز

طبعا احنا مش بنلعب كل التمارين دي في حصة واحدة بس كل واحد بيبقى عارف ايه التمارين اللي بتجيب مع نوعية جسمه
ومن خلالها بيعمل لنفسه برنامج تدريبي مقسم الي استطالة وتكوير وشاكوش
وفي ناس كتير بتشتكي ان عضلة الباي سيبس مش بتكبر عندهم
ودي بترجع لعدة اسباب
منها:
1:العامل الوراثي للجسم
2:عدم التغذية السليمة لان عضلة الباي وكل العضلات بتبقى محتاجة نسبة بروتين عالية عشان تتغذي
3:الاجهاد العضلي عشان بنشوف ناس كتير ممكن يلعبوا عضلة الباي يومين ورا بعض وطبعا ده غلط
عضلة الباي عضلة سريعة الاستشفاء وممكن لعبها من مرتين ل ثلاث مرات كحد اقصى في الاسبوع بس اكيد مش ورا بعض لازم يكون في راحة 3 ايام وفي الغالب بتتلعب
مرتين مع عضلة البنش ومرة بتبقى في يوم باي وتراي
واكيد في ال3 مرات مينفعش يكونوا باوزان تقيلة لازم يكون في تغيير في اللعبة عشان نشكل العضلة ومن الافضل يكون في مرة نلعبها بوزن خفيف
وبتكرار عشان ننشف العضلة ويبقى شكلها افضل
واكيد انا مش كاتب كل تمارين الباي سيبس لانها كتير ليها اكتر من مدرسة
بس انا كتبت نبذة والتمارين المنتشرة بين اللاعبين.